ኣዋጅ ቁጽሪ 1
" ወፍሪ ስርሒት ሸኽ ኣረይ ዓጋባ"
ብጥርናፌ ንሓበራዊ ረብሓ ኤትራዉያን"
ኣብ ልዝብ " Paltalk Tirnafeeritrawyan " ብዕለት 22~08~2008 ዝተረዳዳእናሉ መሰረት ተሞርኲስና ንእዛ ደብዳቤ ናብ ሕቡራት ሃገራት ኤዉሮጳ ክንልክካ ዝተሰማማዕናላ ኩሎም ክኢላታት ግዱሳት ኤርትራዉያን በብዝፈልጥዎ ቋንቋ ቶርጎሞም ኣብ Email -Tirnafeeritrawyan@yahoo.com ክልእኩልና እናተማሕጸንና፡ ናይ መወዳእታ ዉሳኔ ሓቢርና ክንዉስን ንምልዛብ ንዕለት 29~08~2008 ብኣኽብሮት ንዕድምን ንጽበን።
ናብ ባይቶ ሕቡራት ሃገራት ኤዉሮጳ
ናብ ኮሚሽን ሕቡራት ሃገራት ኤዉሮጳ
ክቡር ኣቦ ወንበር
ክቡራት ኣባላት ባይቶን ኮሚሽንን
ንሕና ነዛ መልእኽትን ጥርዓንን ዝሓዘት እንልእከልኩም ዘሎና ደብዳቤ ዝርዝር ኩነታት ኤርትራን ህዝባን ካባና ንላዕሊ እትፈልጥዎ ጉዳይ ስለዝኾነ ኤርትራዉያን ኢና ምስ በልናኩም ጥራሕ እንታይ ምድላይና ትዝንግዕዎ ኣይኮነን።
ኣብ ኤርትራ ዝንህር ዘሎ ግፍዒ ካብ ዕለት ናብ ዕለት እናበርትዔ ድኣ እምበር እናተቓለለ ከምዘይኮነ፡ ህዝቢ ዕድል ረኺቡ መሬቱ ጠንጢኑ ክሃድም ኣብ ምድረበዳን ባሕርን ክዝሕዛሕ መሪጹ ምህላዉ ኣሽንኳይዶ ፍጡር ወዲ ሰብ~ሆቦቡላ ሰሃራን ማዕበላት ባሕሪ መዲተራንያንን ኣፍ ኣዉጺኦም ክዛረቡን ክምስክሩን ቀሪቦም እንተተባህለ እዉን ኣይገርምን እዩ።
እቲ ኩነታት ከምዚ እናሃለወ ኣብ ኤርትራ ዘሎ ዓመጸኛ ስርዓት ኤምባሲ ቤት ጽሕፈት ኢሉ ከፊቱ ርክባት ምስ ዓለም ዘይኮነ፡ ከም መኤከብ ዓመጻዊ ገንዘብን ዘይሕጋዊ ቤት ሸርፊ ገንዘብን ኮይኑ ሃብቲ ሃገር ሸርፊ ሃገር ብኮንትሮባንድ ሸርፊ ይጥቀመሉ ምህላዉ ምስኩር እዩ።
እዚ ዘይሕጋዊ ሸርፍታት እዚ ብዓለመኻዊ ባንክታት ኩኑንን ገበንን ምዃኑ ተረጋጊጹ ኣብ ልዕሊ እዘን ናይ ዝምታ ቤት ጽሕፈታት ግቡእ ዉሳኔ ንኽዉሰድ እናጠለብና እዚ ቅዋመ ሕጊ ዘይብሉ ስርዓት ምስ ወይ ብቅዋም ሕጊ ዝነብራ ሃገርትን መንግስታትን ተሰሪዑ ክፍለጥ ንቅዋም ብቅዋም ዝመሓደራ ሃገራት ዘለፋን ሕጫጫን አዩ አንተበልና ኣየጋነንናን።
ክቡራት ክቡራን፡
ብዕለት 07~02~2002 ኣብ መጋባእያ ባይቶ ሕቡራት ሃገራት ኤዉሮጳ ብምሉእ ድምጺ ዝጸደቐ ብይን ኣብ ልዕሊ ስርዓት ኤርትራ ዘኪርና እቲ ብመጋባእያ ባይቶ ዝተጠልበ ጠለባት ክሳዕ ሕጂ ኣብ ልዕሊ ዘይምትግባሩ ካብ ሽዑኡ ክሳዕ ሕጂ ካብቲ ናይ ቀደሙ ዝኸፍኤ ግፍዕታት ይወርድ ምህላዉ ዝኽወለኩም ኣይኮነን።
እሞ
ከምቲ ዝተዋህበ ዉሳኔ መጋባእያ ባይቶ ብወገንኩም ክትግበር ዘይምኽኣሉ ከምቲ ዝተበየነ እዚ ስርዓት አዚ ክኹነን ዘይምኽኣሉ አንታይ እዩ?
ህዝቢ ኤርትራ ክድራዕ! ክሳቐ! ግቡእ ኮይኑ ድዩ?
ህዝቢ ኤርትራ ከም ኩሉ ህዝቢ ዓለም ቀሲኑ ንኸይነብር ስለዝድለ ድዩ?
እዚ ጥራሕ ዘይኮነ፡
ብእቲ ስርዓት ዝተላእኩን ቤተሰቦምን ከም ዑቕባ ሓተትቲ ኾይኖም ኣብ ብዙሕ ሃገራት ተዋፊሮምን ንዉጽዕ ህዝቢ ኤርትራ ጥርዓኑ ንኸየቕርብ ምዕንቃፋትን ምፍርራሃትን ይገብሩሉ ስለዘለዉ፡ እዞም ሰባት እዚኣቶም፡ ኣብ ዝነብርሉ ሃገር ዑቕባ መሕተቲኦም እንታይ እዩ?
ካብ ተቓወምቲ ድዮም ዑቕባ ዝሓቱ ዘለዉ?
ንእቲ ንኹልና ዘሳቒ ዘሎ ስርዓት ኣሳቒዮምዎ ድዮም ዑቕባ ዝሓቱ ዘለዉ?
እዚ ክንጸር
ዘለዎ ጉዳይ ኮይኑ፡ እቲ መሰል ዑቕባነት ንመን ይግባእ ተነጺሩ እቶም መንግስትና ጥዑይ እዩ ዝብሉ ስለምንታይ ዑቕባ ከም ዝሓተቱ ተለልዩ፡ መንግስቶም ጥዑይ እንተኾይኑ፡ ናብቲ መንግስቶም ክኸዱ እንታይ ይጽግሞም? እንታይ ዑቕባ ኣሕተቶም? ዉዕልን ሕግታትን መሰል ሓተታ ዑቕባ እንታይ ድዩ ዝብል?
ብዳርባ
በቲ ተገፊዔ~በቲ ጸፊዔ ምባል ንባዕሉ ነቲ ንመሰል ደቂ ሰብ ዝተሓገገ ምዝላፍ ነተን ዑቕባ ዝህባ ሃገራት ምጽራፍዶ ኣይኮነን?
እዝን ክንድዝን
መባእታ ሕቶታትና ኾይኑ፡ ክቡራን ባይቶ ሕቡራት ሃገራት ኤዉሮጳ~ክቡራን ባይቶ ኮሚሽን ኤዉሮጳ፡ ነዚ ዝስዕብ ጠለብና ተቐቢልኩም ኣብ ግብሪ ከተዉዕልዎ ንጠልብ።
- ኣብ ኤርትራ ተኸሲቱ ዘሎ ቅዋም ኣልቦ ዓማጺ ስርዓት ብዙሕ ግዜ ተጸዊዑ (ልዕሊ ሸዉዓተ ዓመት) ንጠለባት ሕቡራት ሃገራት ኤዉሮጳ ጸማም እዝኒ ብምሃብ ብህጹጽ
ዘይሕጋዉነቱ ክኹነን።
- ኣብ ኤዉሮጳ ዝርከብ ብስም ኣምባሳደር ቤት ጽሕፈት ዝጽዋዕ ናይ ኣፈራሪህካ ገንዘብ መኤከቢን ካልእን..ኮይኑ ተፈሊጡ። ዘይሕጋዊ ሸርፊ ዘሽርፈሉ ንዓለመለኻዊ ሕግታት ባንክ ምጥሓሱ ተፈሊጡ፡ አቲ ቤት ጽሕፈታት ክዕጾ ጥራሕ ዘይኮነ እቶም ኣብቲ ቦታ ኾይኖም ሽፍታዊ ስርሓት ዝሰርሑ ልኡኻት ዓማጺ ኮንትሮባንዳዊ ስርዓት ብግቡእ ገበን ከሲሱ ኣብ ሕጊ ከቕርቦም።
ኩለን እተን ንግፍዕታት ኤርትራ ፈሊጠን ንኤርትራዉያን መሰል ዑቕባነት ዝሃባ ሃገራት ሕግን መሰል ዉህበት ዑቕባን ኣኽቢረን ንእቶም ሓተትቲ ዑቕባ ኮይኖም ጌና ናይ እቲ ኣረሜናዊ ቅዋመ ሕጊ ኣልቦ ስርዓት ኤርትራ ኣመንትን ናይ ዕንቅፋት ተቓዉሞ ኣዋፈርትን፡ ንመጻኢ ኣጣጢሖም ክጸንሑ ዝተላእኩ ስድራቤት ዓመጸኛታት ሰበ ስልጣናትን፡ ክሳዕ ሕጂ ዝፈልጥዎ ቶንኮላትን ኣተግባብራኡን ዓመጽ እኩባን ግፍዔኛታት ህ.ግ.ደ.ፍ. ኣብ ቃልዕ ዘይነገሩን ዘይመስከሩን ካብ ዝተሓተ ክሳዕ እቲ ዝለዓለ ሓላፍነት ዝነበሮም ሕጂ ከም ተቓዉሞ ተፈሊጦም ዑቕባ ዝሓተቱን፡ ኩለን ሃገራት መሰላቶም ቀንጢጠን ንካብ ዝመጽእዎ ክመልሶኦም ክዉሰንን ብዘይ ወዓል ሕደር ኣብ ግብሪ ክዉዕልን።
ክቡራት ክቡራን
እዚ ልዕሊ ኢሉ ዝሕተት ጠለባት ዉሳኔ መሰረት መበገሲኡ አቲ ክሳዕ ሕጂ ንጠለባት ባይቶን ኮሚሽንን ሕቡራት ሃገራት ኤዉሮጳ ናይ ዕለት 07~02~2002 ኮይኑ ሕጂ ድሕሪ ሸዉዓተ ዓመት ካልእ ደንጋጺ ወይ ተስፋ ትጽቢት ስለ ዘይሓትት እቲ ስጉምትታት ብቕጽበት ክዉሰድ ናይ ግድን ስለ ዝኾነ ባይቶን ኮሚሽንን ሕቡራት ሃገራት ኤዉሮጳ ሓላፍነት ክስከምን ንኹለን ኣብቲ ማሕበር ምዝጉባት ሃገራት ንፍጻሜ ከተባብዔን ሕድሪ እናበልና፡
ጠለባትና
ሕጋዉን ኣወንታዉን ኮይኑ ከም አትቕበልዎ ፈጺምና ጥርጥር የብልናን፡ አቲ ሕቶ ግን፡ ኣብ ኤርትራ ተኸሲቱ ዘሎ ዓማጺ ስርዓት እዚ ተጠሊቡ ዘሎ ጠለባት ብህጹጽ ኣብ ግብሪ ዉዒሉ ንኹለን ኣባላት ሕቡራት ሃገራት ኤዉሮጳ ከተግብርኦ ከምዘለወን ንሓትትን ንተቐባልነትኩም ኣቐዲምና ነመስግንን።
ምስ ምዉቕ ሰላምታ
ግዚያዊት ሽማግለ
ጥርናፌ ንሓበርዊ ረብሓ ኤርትራዉያን።\
ኣድራሻና
Email-Tirnafeeritrawyan@yahoo.com
Internet-www.Selamdelina.com
Coalizione per interesse
Comune degli Eritrei
C/o P. Bazzano
Via Nikola Jevka N° 3
20152
Cell +393343843621
Milano Italia
